A Ponte Canedo Ourense

Esta rúa é así chamada en honra á pianista e profesora Araceli Ancochea Roldán, que impartiu docencia na Escola de Maxisterio de Ourense. Cruza desde a rúa San Paio á rúa José Luis López Cid e nela pódese atopar unha clínica veterinaria. Para ampliar datos sobre Araceli Ancochea Roldán, pódese consultar a páxina mulleresourensas.blospot.com/2009/04/araceli-ancochea-roldan.html?m=1

Iníciase na esquina da Ponte Nova coa Avenida de Marín, é a rúa que leva a Oira, popularmente coñecida como “a estrada de Oira”. Houbo uns anos nos que o asfalto que se quentaba no verán, pegábase ás zapatillas camiño das piscinas e da praia de Oira. Tamén se escoitaba o ruído dos trens que facían manobras nas vías xunto á rúa. O nome da rúa corresponde a Alfredo Brañas, economista e periodista galego. Para saber máis, pódese consultar o enlace: https://dbe.rah.es/biografias/13262/alfredo-branas-menendez

Lugar central desta zona da cidade que agora está integrada no barrio de A Ponte, pero antes tiña a súa propia identidade e foi onde estivo a primeira estación do tren en Ourense. Ten algunhas vivendas remodeladas, e en verán é un lugar de reunión da veciñanza. O seu nome pode facer referencia á proximidade ao río Miño.