A Ponte Canedo Ourense

É a rúa principal da Ponte, nela desemboca a Ponte Romana e no seu nome pódese ver que está o nome dunha riqueza natural: as caldas, a auga quente. Nesta avenida había negocios que xa desapareceron pero que tiveron moita importancia: -Panadaría Panybol que agora é Sabucedo. -Xoiería e óptica Amorós Argiz, hoxe administración de lotaría ao levantar un novo edificio. -Libraría Trebolle que estaba aproximadamente fronte a Igrexa de Santiago das Caldas. -Zapatillería Mafer. Este edificio está pendente de que o derruben. Á cabeza desta zapatería estivo Marujita que calzou a toda a rapazada da época que subíase a unha cadeira,  que parecía altísima, para probar aqueles números.  -Nos mesmos edificios a espera de ser derrubados, hai un escaparate con forma circular e aí houbo unha adega que posteriormente foi o local do Banco Central. -A actual saída da Rúa do Rincón non existía e nese lugar había un edificio dunha altura cunha drogaría. -Fotografía Salas hoxe tenda de telefonía. Ros...

A Ponte tiña diferentes lugares coa súa propia identidade todas incluídas na parroquia de Santiago das Caldas, que agora xa están integradas na estrutura xeral, pero seguen a coñecerse polos seus nomes, eran e son as seguintes: A Ponte, O Ribeiriño, A Chavasqueira, As Caldas, Quintián, Camiño do Balneario. Todos teñen a súa historia inicial, pero co paso do tempo acortáronse as distancias e integráronse no barrio de A ponte por ser este o maior deles. Para ampliar datos pódese consultar a páxina canedo.eu da que forman parte algúns dos mostrados neste artigo.