A Ponte Canedo Ourense

Vai desde a rúa Vicente Risco hasta a Avenida de Santiago, pasa por diante das escaleiras principais do Parque da Ponte e por un lateral do IES 12 de Outubro. Alí hai unha parada de autobús que tamén funciona a modo de "intercambiador" xa que aí sepárase a ruta en dous, por un lado os autobuses que soben pola Avenida de Santiago e os que seguen ruta cara a Estación de Ferrocarril, rúa Eulogio Gómez Franqueira e Estrada de Vigo. O seu nome é o da primeira muller escollida  membro numerario da Real Academia Galega. Para ampliar datos sobre Francisca Herrera Garrido, pódese consultar a páxina academia.gal/-/unha-carta-de-francisca-herrera-garrido

Co nome deste importante empresario ourensán que desenvolveu o que hoxe é COREN,  queda bautizada esta rúa que empeza na Praza da Estación e finaliza na estrada nacional 120. Nela está o Centro de Saúde, o Centro Cívico e a Unidade de Traballo Social do concello. No seu día había garaxes de reparación de coches, dado que era a entrada e saída da cidade, hoxe se poden atopar alí diferentes cafeterías. Na esquina onde agora está a tenda de Coren, estaba unha cafetería e restaurante chamado “A Guardesa”. Pepe “da Guardesa” foi quen a sacou adiante durante moitos anos, tras a súa morte deixou de ser o local que fora. Non está claro o nome de “A Guardesa”, podería ser porque a muller que a puxo en marcha era do concello de A Guarda en Pontevedra ou porque era guardesa dunha propiedade. Para ampliar datos sobre Eulogio Gómez Franqueira, pódese consultar a páxina dbe.rah.es/biografias/25982/eulogio-gomez-franqueira

Esta rúa que leva ao manancial do Tinteiro, tamén pasa por diante do Cemiterio de A Ponte. Nun dos seus extremos está a N-120, e un acceso ao Paseo do Miño e noutro o Campo da Feira.

Non é posible desligar a historia destas rúas que van desde a Avenida das Caldas á rúa Ribeiriño. O nome de José Antonio Moretón Alonso púxoselle precisamente como recoñecemento polo desenvolvemento da mesma por parte deste empresario e concelleiro ourensán. A Rúa do Rincón no tiña saída Á Avenida das Caldas, como actualmente; nese lugar había un edificio cunha drogaría. Nesta rúa estaba o Forno do Camilo, onde durmiron ao quente e comeron moitas persoas. Tamén había unha escola, á que acudiron moitos nenos e nenas hasta ben avanzados os anos 80 do século XX. Hoxe son unhas rúas con vivendas e pouca actividade comercial, pero esta actividade foi máis importante a mediados do século XX. Parte dos datos deste artigo forman parte da páxina canedo.eu

Así chamada porque pasa por un lateral da Praza de Abastos, vai desde a rúa Vicente Risco hasta a Avenida das Caldas, sendo paralela nun dos seus tramos coa rúa Ramón y Cajal.  Nesta rúa segue a haber mercado, xa que nela está un supermercado e como non, a Praza de Abastos e dentro dela, desde o 24 de setembro de 2024 o Mercado Ponte Canedo, onde ademais de mercar diferentes produtos de alimentación, pódese comer no seu restaurante (os produtos dos postos) ou tomar algo na cafetaría.